2013/10/15

Լուսանկարչական փորձարկումներ - Photo experiments


Փորձում ենք
Գիտե՞ք ինչն է ամենից գրավիչը ստեղծագործելու պրոցեսի ընթացքում. անընդհատ փորձեր անելն ու հետաքրքիր արդյունքներ ստանալը: Ու հենց այդ պահերին է, որ ես երջանիկ եմ:
Սկսում եմ պատմել իմ ֆոտո փորձերի մասին: Ոչ մի նոր բան չեմ հայտնագործում, պարզապես փորձում եմ ու կիսվում J
Հե՛յ գիդի, գիտություն և տեխնիկա ու ամենակարևորը ՖԻԶԻԿԱ՛: Վերջինիս հետ կապված շատ չեմ մանրամասնի, բայց ախր շատ կարևոր տեղ ունի լուսանկարչության մեջ, շատ-շատ: Ինչևէ, պատմեմ, թե ինչպես եմ նկարել այս նկարը, որը չի ենթարկվել ոչ մի հետգործընթացային (էտ post-processing-ի թարգմանությունն էրJ) մշակման:
Մաս 1
Հավանաբար լսած կլինեք բևեռացնող ֆոտո ֆիլտների մասին, իրենց polarization են ասում: Իսկ ավելի կոնկրետ, այս նկարը ստանալու համար օգտագործվել է ճապոնական Marumi Circular polarization ֆիլտր: Լուսանկարչության, հատկապես բնանկարների և լուսային անդրադարձում ունեցող կադրերի համար բևեռացնող ֆիլտրները անփոխարինելի գործիքներ են:
Թե ինչպե՞ս են աշխատում ֆիլտրները, կարող եք կարդալ այստեղ, իսկ ավելի մանրամասն բացատրության համար՝ այստեղ և այստեղ:
Երկու խոսքով. Դրանք 2 մասից բաղկացած պտտվող ֆիլտրներ են, որոնք ունեն հատուկ նշագրում: Կախված նրանից, թե ինչ աստիճանով ենք պտտում ֆիլտրը նշագրման նկատմամբ՝ ստանում ենք տարբեր արդյունքներ:
Օրինակ՝ 
ISO 100, 105mm, f/5.6, 1.6', նշագրումը 90 աստիճան, մոխրագույն ֆոն

ISO 100, 105mm, f/5.6, 1.6', նշագրումը 0 կամ 180 աստիճան, մոխրագույն ֆոն

2013/03/18

Մրցույթ, որին ես չեմ մասնակցում :Ճ


Վերջին շաբաթվա ընթացքում ֆեյսբուքի նորությունների էջս հեղեղված է մրցույթի մասնակցող լուսանկարների «լայքեր» հավաքող խնդրանքներով: Ինքս շատ հազվադեպ եմ մասնակցում մրցույթների ու հատկապես՝ լուսանկարչական: Չմանրամասնելով, թե ինչու՞ արվեստի հետ կապված մրցույթներ չեմ սիրում, չեմ մասնակցում և առանձնապես յուրահատուկ եռանդով չեմ հետևում նման մրցույթների՝ այս անգամ, չգիտես ինչու, չափազանց հետաքրքրեց /գուցե մրցանակն էր պատճառը ու շատ ուզեցի, որ հաղթի լավագույնն ու ամենից արժանավորը/: Ու սկսեցի մանրամասն դիտել ներկայացված լուսանկարները: Առաջին անգամ!!!
Մրցույթի համար նախատեսված ալբոմի անվանումն է «Գեղեցիկ լուսանկարներ», որտեղ 17.03.2013-ի դրությամբ մասնակից լուսանկարների քանակն անցնում է 450-ից: Առաջին փուլի արդյունքներով պետք է ընտրվեն 30 լուսանկար՝ հետագա պայքարը շարունակելու համար: Մրցույթի անցկացման մանրամասները կարող եք գտնել այստեղ, իսկ ես միանգամից անդրադառնամ ինձ դուր եկած նկարներին, որոնք, ի դեպ շատ չեն ու բացարձակապես կապված չեն իրենց ունեցած «լայքերից»:
Այս պահի դրությամբ իմ ընտրությունն այսպիսին է.

2012/12/23

Մնաց 9 օր…/ 9 days left...

        
Երբ սկսեցի այս նախագիծը, չէի կարող պատկերացնել, որ կհասնեմ 357-րդ օրվան: Շատ պարզ գաղափար՝ 366-առանց խոսքի: 1 օր = 1 նկար: Ամբողջ տարվա ընթացքումամեն օր ավելանում էր ինձ համար կարևոր մի նկարորը ոչ պարտադիրբայց շատ դեպքերում արվում էր հենց նույն օրըԼինում էին օրերերբ հիշողություններն ավելի շատ էինքան օրվա իրական բովանդակությունըահա այդպիսի օրերն ունեն հիշողության նկարներ... Ու այսպես մեկ տարի շարունակ:
Ավարտին մոտեցող տարվա ընթացքում եղան ինչպես իրար շատ նման, այնպես էլ յուրահատուկ, առանձնացող օրեր, բջջային հեռախոսով արված նկարներ, նաև՝ ֆոտոսեսսիաների կադրեր: Հաաաա, շատ բազմազան ու հագեցած է եղել ինձ համար 2012 նահանջ տարին: 
Ինչքան էլ զարմանալի է, իմ 366-ը նաև շատ օգտակար էր. առաջին հերթին ունենում ես տարվա բոլոր օրերը շատ արագ վերհիշելու հնարավորություն, երկրորդ՝ ևս մեկ անգամ ինչ-որ պահ "անմահացնելու" անհրաժեշտություն և, ամենակարևորը, ինձ նման անհամբերին համբերատարություն սովորելու ևս մի հնարավորություն :Ճ 
Այսօրվանից սկսած ամեն օր կարող եք հետևել օրվա նկարներին http://unword366.blogspot.com/ :) Մնաց 9 օր...

When I started this project I could hardly imagine that I'd reach 357th day. A very simple idea: unWord-366. 1 day = 1 picture. During the year every day a special picture was being added. Picture that mostly taken at that very day, but there are also pictures that had been taken from my memories. There were days when memories were much more than the facts of that day... And all these lasts a year.
During 2012 there were both too similar and very special days, there were pictures taken by phone, also shoots from photosessions. 2012 was full of super moments!
Surprisingly, my 366 project was a useful one ;) first of all you have a place from where you can look through the whole year, second - once again to make a shoot and the most important one for me, as a super impatient person - a chance to overcome my impatience :)
From now you can follow my everyday photo-posts http://unword366.blogspot.com/ 9 days left...


 



2011/12/31

իմ հրաշալի 2011 - շնորհակալ եմ/my awesome 2011 - thank you!

2011-ը հրաշալի տարի էր ինձ և իմ սիրելի մարդկանց համար՝ հագեցած հեքիաթային պահերով, երջանիկ հուշերով, բացահայտումներով, անհավանական կարևորությամբ և հետաքրքիր մարդկանցով, երաժշտությամբ, զվարճանքներով, ճամփորդություններով և, որն ամենակարևորն է, փոփոխություններով [հուսով եմ, որ 2012-ը կլինի առավել ապշեցուցիչ և արտակարգ]

2011 was awesome year for me and my beloved ones full of magic moments, happy memories, discoveries, unbelievably important and interesting people, music, fun, travel - and the most important changes!!! [hope 2012 will be even more stunning and super (yn)]

իմ տարվա բնորոշող|իչ|ները (որոշները պարզապես հապավումներ են, որոնք ինձ համար հատուկ նշանակություն ունեն, թույլ տվեք դրանք չբացահայտել)․
առաջնորդում - էրիկա - կարմիր - շումպետեր - աթչք - ստո - հենրիկ - յենի - արամ - պրահա - գուգ - գհ - իզաբել - փարիզ - սոֆի - հովիկ - սթոք - ջերմուկ - բաղդասարյան - գոռ - տաթև - այբ - սոնա - րիթրիթ - ֆբ - վահե - ջեյսոն - վարքագծային տնտեսագիտություն - նիկոն - երվանդ - հայկ - անդրանիկ - սոկոլով - բաբաջանյան - ամ - մվի - կուբա - եվա - ծիրանագույն

tags of my year (some of them are abbreviations with special meanings for me, so please forgive for not describing them;):
mentoring - erica - red - schumpeter - fflgh - sto - henrik - jenny - aram - prague - gugo - gh - zaz - paris - sofy - hovik - stock - jermuk - baghdasaryan - gor - tatev - ayb - sona - retreat - fb - vahe - jason - behavioral economics - nikon - ervand - hayk - andranik - sokolov - babajanyan - am - mvi - cuba - eva - orange 

2011/09/21

Շնորհավոր անկախությանդ տարեդարձը, ի'մ Հայաստան:

Յոթ տարեկան էի, գրեթե հասակակից իմ հայրենիքի երրորդ հանրապետության հետ: Գրեթե... Այն սերնդից, ով գիտակցված կյանքի ամենաառաջին տարիներում էր: Հիշում եմ ինձ, այն ժամանակ դեռ Լենինի հրապարակում, պապիկիս ձեռքը բռնած երազում էինք ազատ պետության մասին ու հիշում եմ պապիկիս աչքերի փայլն ու ուրախությունը: Իրապես հայրենասեր և շինարար պապիկս մեզ համար երջանիկ, իրենց ապրած կյանքից ավելի լավ ապագա էր երազում: Քիչ էի հասկանում, բայց զգում էի, որ միանգամից ամեն ինչ շատ վատացավ: Պապիկս, որ այդքան երազում էր, սրտի կաթվածով տեղափոխվեց հիվանդանոց, ու ինձ համար անկախությունը հիվանդանոցի տխուր պատերով տպավորվեց: Ով կարդում է գրվածքի հենց այս մասը` հայերենով, նրանց համար ոչ մի նոր բան չեմ ասում, մի ողջ ժողովրդի ապրված դժվար տարիներ: Իսկ իմ մանկությունը դրվագներով պատկերվում է հիշողությանս էջերին.
  • անկախացումից դեռ մի տարի առաջ մոմ էի ստացել նվեր, այնքան գեղեցիկ ու հետաքրքիր դիզայն ուներ, նարնջագույն էր ու հաստ, գծավոր նախշեր ուներ վրան: Այն պահում էի, վառելու մասին չէի մտածում: Հիշատակ-նվեր էր: Սոլֆեջիոյի դասերը հիմնականում երեկոյան ժամերին էին սկսվում (դասացուցակը կազմելիս հովհարային անջատումներ դեռ չկային): Ու իմ հիշատակ մոմը վառվեց. այդ օրը ես թելադրություն չգրեցի և ստացա առաջին և միակ անբավարար գնահատականը: Նայում էի մոմիս ու երազում լույսի մասին:
  • իսկ դուք գիտեք, որ թեյի գույն կարելի է ստանալ շաքարավազը այրելով: Ես էլ չգիտեի. իմացա: 
  • տիկնիկներս, որոնք դեռ մնացել էին "սովետի տարիներից" վերջինն էին, բայց անհամար տիկնիկներ ունեի :Ճ թելից էի պատրաստում: Ու հենց այդ ժամանակ հասկացա, որ սեփական ձեռքերով պատրաստած իրերն ամենաթանկն են, չէ', անգին են... Ապրում էինք մեր ընդարձակ բնակարանի միայն մի սենյակում յոթ հոգով, խաղալու տեղ չկար: Մեր երկու հարկանի մահճակալի օգնությամբ պահարանի վերևում "խաղահրապարակ" էինք պատրաստել եղբորս հետ: Երանի հիմա էլ լիներ այդ տեղը...

2011/05/24

սիրահարված մի քաղաքի կամ տանիքների քաղաք՝ Ստոկհոլմ

in love with one city or the sity of roofs: Stockholm


Ամեն ինչ սկսվեց շատ սովորական մի հարցից. «Ինչ կցանկանայիք ավելացնել մեր ծրագիրն առավել արդյունավետ դարձնելու համար»: «Կցանկանայի այցելել Ստոկհոլմ»: Այդ պահին չէի կարող պատկերացնել, թե պատասխանս կարող է իրականություն դառնալ: Հրավերք, համաձայնություն և… ընդամենը 4 օր տևողությամբ գործուղում Ստոկհոլմ: Նախապատրաստական աշխատանքներն այնքան շատ էին, որ ժամանակ չմնաց զբոսանքի ծրագիր պատրաստել: Բայց կար մի մարդ, շատ լավ մարդ, հին ընկեր, ով հոգ տարավ իմ ազատ ժամանակի ու ճանաչողական մասի համար:
Շատ կարևոր փաստ. սա իմ առաջին ճանապարհորդությունն էր հանրապետությունից դուրս: Ու այնպես ստացվեց, որ օտար քաղաքներից առաջինը Ստոկհոլմը պիտի տեսնեի: Մի խորհուրդ. եթե առաջին անգամ եք ճամփորդում, գերադասելի է առաջինը Շվեդիա, հատկապես Ստոկհոլմ չգնալ: Դրանից հետո այլ վայրերով հիանալու հնարավորությունը կտրուկ նվազում է: Գոնե իմ դեպքում այդպես էր:
Ստոկհոլմի մասին զբոսաշրջիկների համար պատրաստված բավական շատ ու որակյալ ռեսուրսներ կան ու քաղաքի ֆիզիկական բովանդակության մասին երկար չեմ ցանկանա խոսել: Հակիրճ կպատմեմ այն վայրերի մասին, թե որտեղ եմ ես հասցրել լինել և թե որոնք դեռ պիտի այցելեմ :Ճ
Երևանից Ստոկհոլմ ուղիղ չվերթ չկար և ես ընտրեցի Չեխական ավիաուղիների առաջարկած տարբերակը՝ Պրահայով: Արլանդա միջազգային օդանավակայանից մինչև իմ հյուրանոց` Վիլլա Կալլհագեն կամ Շելլհագեն, հասանք մեքենայով, ու, քանի որ, հյուրանոցը գտնվում էր քաղաքի մյուս ծայրում /գրասենյակին մոտ/ առաջին ծանոթությունը քաղաքի հետ եղավ մեքենայի դիմապակուց:
Ստոկհոլմի քարտեզը. մուգ կարմիրով նշված է իմ զբոսանքի հետագիծը
Map of Stockholm. places I visited marked with dark red