Լուսանկարչական փորձարկումներ - Photo experiments

Փորձում ենք

Գիտե՞ք ինչն է ամենից գրավիչը ստեղծագործելու պրոցեսի ընթացքում. անընդհատ փորձեր անելն ու հետաքրքիր արդյունքներ ստանալը: Ու հենց այդ պահերին է, որ ես երջանիկ եմ:

Սկսում եմ պատմել իմ ֆոտո փորձերի մասին: Ոչ մի նոր բան չեմ հայտնագործում, պարզապես փորձում եմ ու կիսվում J

Հե՛յ գիդի, գիտություն և տեխնիկա ու ամենակարևորը ՖԻԶԻԿԱ՛: Վերջինիս հետ կապված շատ չեմ մանրամասնի, բայց ախր շատ կարևոր տեղ ունի լուսանկարչության մեջ, շատ-շատ: Ինչևէ, պատմեմ, թե ինչպես եմ նկարել այս նկարը, որը չի ենթարկվել ոչ մի հետգործընթացային (էտ post-processing-ի թարգմանությունն էրJ) մշակման:

Մաս 1

Հավանաբար լսած կլինեք բևեռացնող ֆոտո ֆիլտների մասին, իրենց polarization են ասում: Իսկ ավելի կոնկրետ, այս նկարը ստանալու համար օգտագործվել է ճապոնական Marumi Circular polarization ֆիլտր: Լուսանկարչության, հատկապես բնանկարների և լուսային անդրադարձում ունեցող կադրերի համար բևեռացնող ֆիլտրները անփոխարինելի գործիքներ են:

Թե ինչպե՞ս են աշխատում ֆիլտրները, կարող եք կարդալ այստեղ, իսկ ավելի մանրամասն բացատրության համար՝ այստեղ և այստեղ:

Երկու խոսքով. Դրանք 2 մասից բաղկացած պտտվող ֆիլտրներ են, որոնք ունեն հատուկ նշագրում: Կախված նրանից, թե ինչ աստիճանով ենք պտտում ֆիլտրը նշագրման նկատմամբ՝ ստանում ենք տարբեր արդյունքներ:

Օրինակ՝ 

ISO 100, 105mm, f/5.6, 1.6', նշագրումը 90 աստիճան, մոխրագույն ֆոն

ISO 100, 105mm, f/5.6, 1.6', նշագրումը 0 կամ 180 աստիճան, մոխրագույն ֆոն

Փորձարկումն իրականացանելու համար մեզ անհրաժեշտ է ունենալ LCD մոնիտոր, էկրանի միագույն ֆոն (ցանկալի է մոխրագույն, բայց ուրիշ գույներով էլ փորձեք, հետաքրքիր տարբերակներ կստացվեն), բևեռացնող ֆիլտր և պլաստմասսե որևէ իր:

Միագույն էկրանը կհանդիսանա ձեր նկարի հետևի ֆոնը: Կարող եք այն ուղղահայաց դիրքում պահել և պլաստմասսե իրը ամրակով պահել նրա առջևում, կամ հորիզոնական դիրքով տեղավորել էկրանը, իսկ նկարի համար նախատեսված իրը դնել ուղղակի էկրանի վրա, ինչպես արել եմ ես: Կարող եք փորձել ձեռքով պահել ֆիլտրը և պտտել ու կստանաք գունային գեղեցիկ երանգներ (բացի իմ փորձերից, ահա այստեղ էլ նայեք ):

ISO 100, 105mm, f/5.6, 1.6', նշագրումը
 0 աստիճան, մոխրագույն ֆոն

ISO 100, 105mm, f/5.6, 1.6', նշագրումը
 30 աստիճան,  վարդագույն ֆոն

ISO 100, 105mm, f/5.6, 1.6', նշագրումը
60 աստիճան, վարդագույն  ֆոն

ISO 100, 105mm, f/5.6, 1.6', նշագրումը
 90 աստիճան, մոխրագույն ֆոն

Այսպիսով, նկարվող օբյեկտներին տեղադրում ենք էկրանի ֆոնին ու պտտում բևեռացնող ֆիլտրը, ահա այսքանը: Չմոռանաք լուսավորության մասին. Հավանաբար ձեզ պետք կգա կանգնակ, քանի որ ֆիլտրը քչացնում է լուսավորությունը և անհրաժեշտ կլինի փոքրացնել նկարելու արագությունը:

ISO 100, 105mm, f/5.6, 1.6', նշագրումը 90 աստիճան, մոխրագույն ֆոն

Մաս 2

Կցանկանայի նաև պատմել նկարված անիվավոր շրջանների մասին: Դրանք իմ մանկության մի մասն են կազմում, ամենասիրելի խաղալիքներից: Ծանոթացե՛ք, սպիրոգրաֆ` խաղալիք, որի հեղինակն է բրիտանացի ինժեներ Դենիս Ֆիշերը: Խաղալիքի վերջնական տարբերակը ստեղծվել է ավիառումբերի դեմ պայթուցիցչների նախագծման ժամանակ՝ 1962թ-ին և առաջին անգամ ներկայացվել է 1965թ-ին տեղի ունեցած Նյուրեմբերգում կայացած Խաղալիքների միջազգային ցուցահանդեսի ժամանակ: Սակայն սպիրոգրաֆն առաջին անգամ ի հայտ է եկել 19-րդ դարի վերջերին: Մաթեմատիկոս Բրունո Աբականովիչը հայտնաբերել է նրա հատկությունները կորերով սահմանափակված պատկերի մակերեսի բանաձևի դուրս բերման ժամանակ: Մանրամասն տես՝ այստեղ:

Սպիրոգրաֆի բազում տեսակներ կարող եք գտնել օնլայն խանութներում՝ այստեղ և այստեղ:

Իսկ եթե ցանկանում եք տեսնել սպիրոգրաֆի օգտագործման հետաքրքիր գաղափարներ՝ խնդրեմ:

Ահա և իմ փորձերի արդյունքները. վայելե՛ք, փորձե՛ք ու ամենակարևորը՝ չմոռանաք կիսվել ձեր փորձերով ու գիտելիքներով:

ISO 100, 105mm, f/5.6, 1.6', նշագրումը 90 աստիճան, մոխրագույն ֆոն

ISO 100, 105mm, f/5.6, 1.6', նշագրումը 90 աստիճան, մոխրագույն ֆոն

ISO 100, 105mm, f/5.6, 1.6', նշագրումը 90 աստիճան, մոխրագույն ֆոն

ISO 100, 105mm, f/5.6, 1.6', նշագրումը 0 աստիճան, մոխրագույն ֆոն

ISO 100, 105mm, f/5.6, 1.6', նշագրումը 90 աստիճան, մոխրագույն ֆոն, սպիրոգրաֆի օգնությամբ արված պատկերներով

Հ.Գ. Տարածեք ձեր գիտելիքները, նրանք դրանցից չեն պակասի...